مراتي

سامح بص لها باعجاب وقال

طيب سيبك من الفلوس انا نفسي في حاجة كمان مع الفلوس وبص لها من تحت لفوق ومي فهمت وقالت له

مي

وانا موافقه بس بشرط تعمل اللي انا عايزاه و تنفذه كله ماشي

وبعدها سامح رزور لها الورق كله وكانت مي بتحط لجوزها ماده في الأكل بس مراحش غير بعد ما سافر

#بااااااااااك

وفي الشركة كنت قاعد حزين ومي قالت لي

مي

ايه ده مالك يا استاذ أسامة شكلك قاعد حزين كده ليه هو في حاجة لقدر الله ولا ايه قولي لو في حاجة اقدر اساعد بيها

أسامة

في الحقيقه انا بس في حاجة مضيقاني وانا مش عارف اتصرف ازاى يا مدام مي

مي

خير بس احكي لي يمكن اقدر اساعدك واقف جنبك

أسامة

اصل المدام عندي تعبانة شوية ولازم تعمل عمليه وانا مفيش مش عارف اجيب تمن العمليه منين

مي

ياخبر ابيض لا الف سلامة عليها طيب لو اقدر اديك المبلغ انا تحت امرك معنديش مشكلة خالص انا معايا فلوس واقدر اديك اللي انت عايزة

أسامة

لا طبعا ابه الكلام الغريب ده انا مش هقدر اخد منك ولا مليم معلش يا مدام مي وبعدين انا اسف لو كنت بفضفض معاكي

مس

في ايه بس يا استاذ هو احنا مش زمايل في الشغل يعني عادي لما نساعد بعض مفيهاش حاجه

أسامة

وانا طبعا اللي مفروض اساعدك مش انتي اللي تساعديني وبعدين انتي محكتيش يعني عن الراجل اللي كان بيتخانق معاكي

مي

ده اخو جوزي تصور ان هو عايز ياخد ورثي بالعافيه اصل المرحوم جوزي قبل ما يروح كتب لي كل ثروتة وهو بقا هيتجنن من ساعتها

أسامة

طيب وهو ازاى يعمل كده معلش جوزك المرحوم ده غلطان لانه كان المفروض يدي لاخواتة حقهم

مي

حقهم في ايه يا استاذ أسامة الفلوس دي هو اللي تعب وشىقي بيها ازاى بقا هو يديهم تعبه وشفاه كده عالطول يا طبعا انا مراته وانا اللي أولى سيبك انت من الموضوع ده خلينا في موضوعك انت

أسامة

لا موضوعي انا ايه بس انتي كده عايزة اللي يساعدك انتي مش انا على العموم انا متشكر انك حاولتي تساعديني في حين انك انتي محتاجة حد يكون جنبك

مي

وده اجيبه منين بس يا استاذ أسامة يلا الحمد لله على كل حال

وبعدها سبتها ومشيت رجعت البيت ولقيت مراتي تعبانة زي ماهي ولقيت مي بتكلمني وقالت

مي

طمني يا استاذ أسامة ايه اخبار المدام يارب تكون بخير بس انت شكلك بتحبها اوي مش كده

أسامة

طبعا انا بحبها اكتر حد في الدنيا دي روحي انا وهي متربين مع بعض كنا جيران ولحد دلوقتي بحبها وبخاف عليها

مي

اول مره اشوف راجل مخلص كده ربنا يشفيها لك يا استاذ اسامه والله على العموم لو احتاجت حاجة انا تحت امرك

وقفلت معاها وفضلت حزين على ايمان وقت كبير اوي وفي يوم كنت في الشغل ومي قالت

مي

والله يا استاذ أسامة انت فعلا صعبان عليا بص انا عايزة أعرض عليك عرض كده بس مش عارفه انت ممكن توافق ولا لا

أسامة.

عرض ايه ده يا مدام مي

مي

انت دلوقتي مش راضي تاخد مني فلوس عشان العمليه بتاعت مراتك وانا بصراحة نفسي اساعدك جدا لانك صعبان عليا فانا بقول يعني ايه رايك لو تتجوزني وبعدها لما هتاخد الفلوس هتبقا ساعتها فلوسك انت كمان

أسامة

ازاى الكلام ده يا مدام مي انا مش هينفع اعمل كده

مي

خلاص يا استاذ أسامة لنا اسفه جدا عن اذنك

أسامة.

استني بس هو انتي زعلتي ولا ايه ارجوكي انا مش عايزك تزعلي مني يا مدام مي انا والله اصل……

مي

اصلك بتحب مراتك مش كده انا لما طلبت منك الطلب ده يا استاذ أسامة فد كان بغرض اني اساعدك وكمان عشان لقيتك راجل مخلص وانت اللي هقدر اطمن معاه على نفسي وعلى فلوسي

أسامة

طيب ممكن تديني مهله افكر بس لو انا وافقت هيبقا الحواز عرفي ارجوكي يا مدام مي انا مش عايز حد يعرف حاجة

مي

تمام يا استاذ أسامة ولا اقولك يا اسامة بس ولا ايه

أسامة

لا طبعا انت تقولي لي زي ما تحبي خالص يا مي عن اذنك

وبعدها مشيت ولقيت ايمان بتقولي

ايمان

ايه يا حبيبي انت سرحان في ايه كده مالك

أسامة

لا ابدا يا حبيبتي انا تمام مفيش حاجة تعرفي اني بحبك اوي يا ايمان وخايف عليكي

ايمان

وانا كمان ياحبيبي والله وصعبان عليا اوي اللي نت عامله في نفسك عشاني

أسامة.

هو انا عامل ايه يعني يا ايمان علي فكرة انا بس نفسي تبقي كويسة ومتتعبيش

ايمان

إن شاء الله يا حبيبي طالما معايا زوج زيك انا هبقا زي الفل

وتاني يوم روحت الشغل وقولت لمى اني موافق على عرضها للجواز بس بشرط اعمل لمراتي العمليه وفعلا حصل ورحت لايمان وقولت

أسامة.

ايمان يلا يا روحي عشان نروح المستشفى عشان تعملي العمليه

ايمان بفرحة

انت بتهزر يا اسامة مش، كده

أسامة

والله انا بتكلم بجد يلا بقا يا شيخه مش عايزين نضيع وقلت

ورحنا المستشفى وايمان عملت العمليه ومي قالت لي

مي

جرا ايه يا اسامة هو انت هتفضل كده عند المدام علطول ولا ايه على فكرة بقا انت بقيت بتوحشني اوي

أسامة

معلش يا حبيبتي اصل ايمان محتاجة الايام دي اللي ياخد باله منها وانا جنبها لحد بس ما تاخد نفسها

مي

لا يا اسامة وانا برضو ليا حقك عليك7مش كده ولا ايه

أسامة.

بصي اوعدك بعدك كده انتي انا هكون معاكي علطول يا حبيبتي هو انا ليا بركة الا انتي يا مي ده انتي بسبب انك رجعتي لي الحياه من تاني

مي

للدرجة دي بتحبها يا اسامة هي حلوه اوي كده عشان تحبها الحب ده كله

أسامة

اه بس انا بحبك انتي كمان يا حبيبتي اومال ايه وهو انا يعني ليا بركة الا انتي عن اذنك بقا عشان انا ورايا مشوار دلوقتي ولازم اروحة يلا سلام

وسبتها ومشيت وهي فضلت تفكر وتكلم نفسها وتقول

مي

هو انا هفضل كده لوحدي علطول انا حبيت أسامة وقولت اتجوزة واغرية بالفلوس وهو اصلا قلبه مع مراتة العيانة دي ماشي يا اسامة خليك براحتك

وبعدها في يوم كنت عند مي وكنت انا وهي على السىرير وانا كنت من غير هىدوم بس نصي اللي فوق هي كمان وبعدين قالت لي

مي

أسامة انا نفسي اخرج معاك اوي ما تقوم لما نروح نتغدى بره انا وانت

اسامة

معلش يا حبيبتي أصله مش هينفع خالص اني انزل معاكي في اي مكان

مي

الله وليه بقا ان شاء الله ماهو انا اللي هدفع يا حبيبي وانت مش هتغرم اي حاجة

أسامة

ايه الكلام اللي انتي بتقوليه ده يا مي ايه اللي انتي اللي هتدفعي دي هو انا بتكلم عشان كده على فكرة بقا انا مبحبش الأسلوب ده

مي

الله انت زعلت يا روحي انا اسفه انا مقصدش خالص والله انت عارفني انا بحبك اد ايه عشان كده نفسي اروح معاك في كل مكان

أسامة

انتي عارفه ان جوازنا عرفي يا مي عشان خاطر مراتي متعرفش حاجة مراتي دي خط احمر

مي

خلاص يا اسامة انا اسفه حقك عليا على العموم اعمل اللي انت عايزة بس حتة مراتي متعرفش دي بتزعلني يعني متقولش قدامي الكلام ده عشان انا بغير عليك

أسامة

وانا مش عايزك تغيري لانك عارفه الظروف اللي احنا اتجوزنا فيها كانت عامله ازاي صح ولا لا فارجوكي يا مي بلاش كلامك ده معايا لانك عارفه وفاهمة كل حاجة

مي

خلاص بقا حقك عليا قولت لك بقولك ايه ما تيجي ناخد سيلفي انا وانت ياروحي يلا بص للكاميرا

أسامة.