قومي روقي
ياربي انا عملت اي في دنيتي انا بكرهم كلهم محدش بيحبني ولا مهتم بيا كل حاجه ندين وانا طظ فيا
ندين حبيبه بابا جبت الحلويات والفاكهة اندهي لندي نشيلهم في المطبخ
ندي البسي جونتي وانتي في شغل المطبخ
حاضر يابابا
عاوزه ارجع اوضتي تعبت من نومه الكنبه
وانا مالي اخاڤ يختي اتعدي منك طب نامي انت بره وانا هنام في سريري
لا معرفش وبابا حكم بدا انتي تنامي علي الكنبه وانا في اوضتي
ماما الحقي شعري اتقص اظن عفريت مجاش قصه
بكرهك بكرهك بكرهك
انا ندي عندي ١٩ سنه نادين تؤامي الكل اللي يسمع ويشوف يتعاطف معايا من طريقتهم بس حياتي اللي انا عيشها خلت مني وحده غير سويه شيطان علي هيئه ملاك
من كتر الظلــ,,ـم اللي بشوفه خلوني وحده شريره
نادين طول الوقت هي الأجمل والاحسن والكل بيحبها عكسي الكل بيهرب مني كل اللي يعرفني ېخاف يقربلي لغايه ما بقيت وحيده وانا وسط اهلي حتي تؤامي نفسها كانت بتعاملني زيهم عمري ماحسيت احساس التؤام اللي بيحبوا بعض ويخافوا علي بعض مع اننا تؤام متطابق بس عمرنا مكنا سوا ولا مرتبطين
مافيش الا واحد بس اللي كان متعاطف معايا وصعبانه عليه بس يخساره مش قاعد معايا طول الوقت احمد اخويا الكبير هو في الجيش كان هو الوحيد اللي بياكل معايا ويلعب معايا عمره ماخاف من شكلي او خاف مني هو ديما كان يقولي انتي اللي مميزه فينا ربنا اداكي ميزه وشكل مختلف
احمد تعالي يلا جهزتلك الغدا
الله الله تعالي كلي معايا وفين بابا وماما ونادين
هما اتغدوا وانا هاكل بعدين
لا تعالي كلي معايا عشان تفتحي نفسي
احمد اخويا دا هو الحاجه الوحيده في حياتي الحلوه
ندي جهزتي كل حاجه عشان عريس
ايوه ياماما اروح البس بقي ولا هاقبل الناس كده
ليه انتي هتقعدي معاهم ولا اي
أمال اي
بلاش الزياره دي وبعدين انتي منقبه
خلاص ياماما اللي تشوفيه
اتفضلوا اهلا بيكوا منورين اهلا دكتور اسامه اهلا ياحجه
منور باصحابه امال فين العروسه
نادين ادخلي سلمي علي طنط
اهلا ياطنط
اتفضل معايا دكتور اسامه ونسيب الحريم مع بعض
ارفعي النقاب يانادين عشان طنط تشوفك
بسم الله ماشاء الله تبارك الرحمن قمر وهي قمر ابني عرف يختار كنت بستسمحك ياست ام احمد دكتور اسامه ابني يقعد مع نادين يتكلم معاها قبل ما نقرأ الفاتحه ولو ينفع ترفع النقاب بعد اذنكوا ربع ساعه عشان يعرف العروسه قمر اد اي
هقوم استأذن من ابوها واعرفه برضوا واجيلك
اتفضل يا دكتوره اسامه حالا العروسه جايه حالا ادخلي يانادين هسبكوا نص ساعه واجلكم انا قاعد بره لو عوزت حاجه دكتور اسامه
شكرا ياعمي
اذيك يانادين عامله ايه اقولك ندي ولا نادين انتي مره تقولي ندي والمره دي يقولوا نادين
اااه انا اقولتلك اسمي مش فاكره بس هما ساعات بيدلعوني ويختصروا الاسم ويقولوا ندي وساعات يندهوا اسم تؤام بقي
المهم شوفتي وفيت بوعدي ازي لما كلمتك واقولتلك انك هتكوني من نصيبي بإذن الله
ااه مش فاكره مش عارفه
انت مالك غريبه كده ليه يمكن عشان مكسوفه
ااه مكسوفه الصراحه
طب انا استأذنت من عمي انك ترفعي النقاب ٥دقايق اشوف قلبي طلع بيفهم لما حسيتك من غير ماشوفك
حاضر اهو
بسم الله ماشاء انتي حلوه اوي يانادين من بره زي ماحسيتك حلوه من جوا خلاص نزلي النقاب
فاكره لما اقولتلك في النادي
عن اذنك بس حاسه ماما بتندهه
ماشي اتفضلي
ماما الحقيني بيتكلم في حاجات كانت في النادي وانا معرفوش ندي اللي كانت معاه ومش عارفه وخاېفه يشك
مش عارفه يابنتي خاېفه يحس بحاجه طب استني ندي ندي بت ياندي
ايوه ياماما تعالي غيري هدومك والبسي لبس حلو والنقاب وادخلي لدكتور اسامه هيكلمك علي النادي والمقابله اللي حصلت بينكم
ادخل اكلمه ازي مش فاهمه هو جاي لمين فهموني بالضبط
ماما دا غش وانا استحاله أعمل كده كده حرام
بقولك اي هتسمعي الكلام ڠصب عنك خليني اخلص منكم هتقعد جنبي كفايه انتي قاعده في إربيزي بمنظرك دا
الله كل دا تأخير طنط عاوزه اي
كانت مجهزه عصير عشان اخده
لبسك حلو كمان انتي شيك اوي دا غير اللي كنتي لبساه صح
ااه عشان العصير وقع عليه
فاكره يانادين مقابله النادي ايه اللي شدني ليكي
اه اقولتلي عيوني وحركه ايدي وانا بقرا كتاب
خطفت قلبي لما طلعتي بنت صاحبه والدتي اقولتلك اي يانادين فاكره
طبعا اقولتلي وقتها هتبقي من نصيبي وهتكوني مراتي
وفيت بوعدي ولا لا
اكيد يادكتور اسامه
اسامه بس خلاص كتب كتابنا قرب وبعد ماشوفتك هعجل بالجواز
عن اذنك
